“Bolalar kontentini rivojlantirish markazi” NNT tomonidan bolalar uchun mo‘ljallangan milliy kontentlarni ishlab chiqarish xarajatlarini shakllantirishda qo‘llaniladigan xalqaro va mintaqaviy bozor narxlarini o‘rganish bo‘yicha konsalting xizmatlarini ko‘rsatish uchun yuridik shaxslar o‘rtasida tanlov e’lon qilinadi.

Tanlov doirasida quyidagi yo‘nalishlar bo‘yicha tahliliy ma’lumotlar tayyorlanishi lozim:

• badiiy filmlar, seriallar, animatsion filmlar va boshqa audiovizual mahsulotlar ishlab chiqarish jarayonlarida ishtirok etuvchi ijodiy hamda texnik mutaxassislarga to‘lanadigan ish haqlarining amaldagi bozor qiymatinio‘rganish;

• film va boshqa audiovizual mahsulotlarni ishlab chiqarishda foydalaniladigan texnik jihozlar, uskunalar va maxsus texnik vositalarni ijaraga olish qiymatlarini (1 smena yoki 1 ish kuni hisobida) tahlil qilish;

• olingan ma’lumotlarni umumlashtirgan holda tahliliy xulosa va taqqoslama ma’lumotlarni taqdim etish.

Narxlarni o‘rganishda asosiy e’tibor Markaziy Osiyo davlatlari, Rossiya Federatsiyasi va Turkiya Respublikasidagi amaldagi bozor narxlariga qaratilishi maqsadga muvofiq hisoblanadi.

Tanlov ishtirokchilari tomonidan taqdim etiladigan tijorat takliflarida xizmatlarni bajarish muddati, metodologiyasi, o‘rganiladigan davlatlar kesimida tahlil usullari hamda xizmatlar qiymati ko‘rsatilishi lozim.