▪️ Bolalar kontentini rivojlantirish markazi buyurtmasi bilan bebaho nomoddiy merosimiz — milliy allalarni asl ijrosida audio va video formatda yozib olish maqsadida “ALLA” ilmiy-jodiy ekspeditsiyasi yoʻlga qoʻyildi.
📌 Loyihaning ijtimoiy ahamiyati:
⚠️ Xavf. Har bir hududning oʻziga xos ohangi, talaffuzi va ijro anʼanasini mujassam etgan allalarning aksariyati bugungacha yagona tizimda jamlanmagani bois, ayrimlari unutilib, yoʻqolib ketish xavfi ostida.
✅ Ishonchli manba. Ushbu loyiha milliy merosimizni raqamli formatda kelajak avlodlarga yetkazish bilan birga, farzandiga sof oʻzbek allalarini eshittirishni istagan ota-onalar uchun ishonchli manbaga boʻlib xizmat qiladi.
👩💻Yagona baza. Toʻplangan namunalar “Alla” yagona milliy platformasi bazasiga joylashtiriladi.
Muallif: Oʻktam Hakimov.
📍 Ayni paytda ijodiy guruh Toshkent shahri va Toshkent viloyatida tasvirga olish ishlarini olib bormoqda. Tez orada ekspeditsiya yurtimizning boshqa hududlarida ham davom etadi.
