“Aqlvoy” telekanali jamoasi bilan boʻlib oʻtgan uchrashuv konstruktiv va samarali ruhda oʻtdi. Unda bolalar mediasini yanada rivojlantirishga qaratilgan ustuvor yoʻnalishlar belgilab olindi.
Uchrashuvda bolalar kontentini isteʼmol qilish tendensiyalari ham muhokama qilindi. Bugungi kunda bolalar asosan qaysi platformalar orqali kontent koʻrayotgani, ularni qaysi yoʻnalishdagi dasturlar koʻproq jalb etayotgani yuzasidan fikr almashildi. Shu asosda kontentni zamon talablari va auditoriya qiziqishlariga mos ravishda rivojlantirish muhimligi taʼkidlandi.
Qanday oʻzgarishlar kutilmoqda?
“Polapon shou” — oilaviy shou loyihasini suratga olish ishlari jadal davom etmoqda. Yaqin kunlarda premyerasi taqdim etilishi rejalashtirilgan.
Uchrashuv davomida “Aqlvoy” telekanalining 10 dan ortiq yangi va amaldagi loyihalari koʻrib chiqildi. Markaz tomonidan ushbu loyihalarni sifat jihatidan takomillashtirish va yangilashga koʻmaklashish belgilandi.
Ijodiy jamoa salohiyatini yanada oshirish maqsadida xalqaro tajribani oʻrganishga alohida eʼtibor qaratilmoqda. Shu doirada mutaxassislar uchun yetakchi xorijiy telekanallarda malaka oshirish imkoniyatlarini yaratish rejalashtirildi.
