▪️ Bolalar kontentini rivojlantirish markazi va “Bolajon” telekanalining “Bolakay” shou dasturi tayyorgarlikning soʻnggi bosqichiga yetib keldi.
Bir oʻylab koʻring, bugun media makonda kattalar uchun koʻrsatuvlar juda koʻp. Ammo bolalar, ayniqsa oʻsmirlarning orzulari, qiziqishlari, isteʼdodi va ichki dunyosini ochib beradigan milliy loyihalar deyarli yoʻq.
Natijada koʻplab bolalar kattalar uchun moʻljallangan dasturlardan yoki xorijiy trendlarga ergashib, oʻziga motivatsiya olishga majbur boʻlmoqda.
Aslida esa oʻsmirlik inson shaxsi shakllanadigan eng muhim davr. Aynan shu paytda bola “Men kimman?”, “Nimaga qiziqaman?”, “Kelajakda kim boʻlaman?” degan savollarga javob izlay boshlaydi.
🌟 “Bolakay” ana shu izlanishlarga hamroh boʻladigan loyiha.
🌟 Shou orqali bolalar oʻzlari kabi faol va maqsadi sari intilayotgan tengdoshlari bilan tanishadi, ularning yutuqlaridan ilhom oladi. Chunki qahramonlarni uzoqdan qidirishga hojat yoʻq — ular shu yerda, yonimizda.
💫 Demak, tez orada — “BOLAKAY”!
