Prezidentimiz tashabbusi bilan bolalar kontenti sohasida ochiq muloqot tashkil etildi. Tadbirda ijodkorlar, ilmiy soha vakillari, masʼullar va jamoatchilik faollari ishtirok etdi.
Bolalarimiz oʻqiyotgan kitoblar, koʻrayotgan multfilmlar va raqamli olamdagi qiziqishlari ularning ertangi shaxsiyatini belgilaydi. Shu bois, bolalar kontenti mavzusi barchamizga — soha mutaxassislari, ijodkorlardan tortib, ota-onalargacha birdek taalluqlidir.
Agar bolalarimizning sifatli media mahsulotga boʻlgan ehtiyojini milliy kontentlar bilan qoplamasak, boʻshliqni axloqiy mezonlarimizga zid chet el mahsulotlari toʻldira boshlaydi.
Ayni shu xavflarning oldini olish va sohani yangi bosqichga koʻtarish maqsadida tashkil etilgan ochiq muloqot barcha yigʻilganlarni umumiy maqsad yoʻlida birlashtirdi.
Tadbir bolalar kontenti sohasidagi eng ogʻriqli muammolarni ochiq-oydin oʻrtaga tashlash maydoni boʻldi. Muloqot davomida:
✅ bolalar kontenti sohasidagi mavjud masalalar muhokama qilindi;
✅ yangi gʻoya va kreativ loyihalar, ularni amalga oshirish boʻyicha takliflar koʻrib chiqildi;
✅ xalqimiz suygan rejissyorlar, animatorlar, yozuvchilar va jamoatchilik faollari bilan erkin fikr almashildi.
📌 Tadbirda ishtirok eta olmagan faollar oʻz takliflarini onlayn taqdim etishmoqda.
Farzandlarimiz uchun sifatli kontentni birgalikda yaratamiz!
