Tadbirda Oʻzbekiston animatsiya studiyalari assotsiatsiyasi raisi, ”Astir animation studio” MCHJ rahbari Abdulatif Haydarov, “Uzbekistan Creative Association” rahbari Abduvali Haydarov, “United Soft” kompaniyasi asoschisi va prodyuseri Lazizxon Gʻaniyev, “Lola Animation” kompaniyasi asoschisi va rahbari Azimjon Rahimjonov, “Art Craft” studiyasi rejissyori Davlatshoh Arabshoyev, “DIP Animation” studiyasi rahbari Pavel Kim hamda rejissyor va animatorlar Odil Mahamadov va Aziz Muhammedov ishtirok etdi.
📌Uchrashuvning muhim nuqtalari:
✅ Global bozor va brending: milliy animatsiya mahsulotlarini yaratish bilan birga, ularni yirik brendga aylantirgan holda mahalliy va xalqaro bozorlarga olib chiqish boʻyicha strategiyalar koʻrib chiqildi.
✅ Tizimli merchandayzing: multqahramonlar qiyofasidagi oʻyinchoqlar, kitoblar, kiyimlar va boshqa mahsulotlarni ishlab chiqarishni tizimlashtirish masalasi muhokama qilindi. Zero, bola sevgan qahramonini nafaqat ekranda koʻrishi, balki uni qoʻlida ushlashi va oʻzi bilan olib yurishi muhimdir.
✅ Tomoshadan keyingi hayot: multfilm qahramonlarini bolalar hayotining ajralmas qismiga, ularning ilk doʻsti va orzusiga aylantirish asosiy maqsad etib belgilandi. Haqiqiy qahramon ekran bilan cheklanmay, bolaning qalbi va xotirasidan joy olishi kerakligi taʼkidlandi.
✅ Tajriba va innovatsiya: yetakchi animatsiya kompaniyalari vakillari oʻz yutuqlari va amaliy yondashuvlari bilan oʻrtoqlashib, sohani rivojlantirish boʻyicha oʻz takliflarini ilgari surishdi.
💫 Taʼkidlanganidek, milliy animatsiya faqat ijodiy mahsulot boʻlmay, u kelajak avlod tarbiyasi va maʼnaviyatiga yoʻnaltirilgan muhim strategik investitsiyadir.
