Oʻzbekiston xalq artisti Mukambar Rahimova bilan hamkorlikda tashkil etilgan “Bolalar ovozi” dublyaj maktabida amaliy mashgʻulotlar davom etmoqda.
Unda saralashdan muvaffaqiyatli oʻtgan bolalar ustoz ijodkor va soha mutaxassislaridan:
🗣nutq madaniyati;
🎤ovozni boshqarish;
📝 matnni his qilish va uni personaj xarakteriga moslab talqin etish;
🎭 aktyorlik mahorati va emotsiyalar bilan ishlash sirlarini oʻrganmoqda.
🗣Shuningdek, oʻquv dasturidan sinxronlik (lab harakatiga tushish), hissiyotlarni ifodalash (qahramonining yigʻisi, kulgisi, qoʻrquvi yoki quvonchini ovozda tabiiy aks ettirish), nafas mashqlari va diksiya, professional studiyada ishlash kabi muhim yoʻnalishlar oʻrin olgan.
