Bolalar adabiyotining yangi avlodini yuzaga chiqarish, bolalar va o‘smirlar uchun mazmunli asarlar yaratish maqsadida ilk bor o‘tkazilgan “Bolalar uchun yozamiz: ertak-romanlar” ijodiy tanlovi o‘z yakuniga yetdi.
Ekspertlar kengashi a’zolari tomonidan 40 nafar muallifning 42 ta loyihasi ichidan eng saralari tanlab olindi.
Gʻolib loyihalar va mualliflar:
Suhrob Ziyo – “Kushon shahzodasining sarguzashtlari”
Odinaxon Muhammadjonova – “Angishvona Millining sarguzashtlari”
Bahromjon Akbarov – “Saxiyqalb haqida afsona”
Otabek Quvvatov – “Zuhraxonning xayollari”
Ismoil Shomurodov – “Uch olam sarguzashtlari”
Bek Ali – “Qo‘g‘irchoqlar qayg‘usi”
Gulchiroy Ibrohimova – “Qadrdonim – Hudhud”
Zafar Tilovov – “Salomjon va sehrli so‘zlar o‘rmoni”
Javlon Jovliyev – “Umid ovozi”
Najmiddin Ermatov – “Alp Arslon”
Mazkur loyihalar bolalarni ahillik va jamoaviylikka undovchi, qizlarning ijtimoiy faolligini oshirishga xizmat qiluvchi hamda yosh avlod qalbida vatanparvarlik tuyg‘ularini uyg‘otuvchi asarlar sifatida yuqori baholandi.
Navbatdagi bosqichda mualliflar bilan hamkorlik shartnomalari imzolanadi va belgilangan muddat ichida ertak-romanlarni yozish bo‘yicha ijodiy buyurtmalar beriladi.
Tanlovda ishtirok etgan barcha ijodkorlarga o‘z minnatdorligimizni bildiramiz.
Markaz barcha mualliflarga ijodiy zafarlar tilaydi!
