— Aslida, har qanday badiiy film — u animatsion boʻladimi, kino boʻladimi — oʻz ildizini mustahkam badiiy asardan olishi shart. Bu — muvaffaqiyatning eng asosiy mezoni. Bunga misollar koʻp: “Shum bola”, “Oʻtkan kunlar”.
Oʻz ijodimda ham bu haqiqatni anglaganman. “Ilhaq” filmi ssenariysiga Alinazar Egamnazarovning “Besh jangchining onasi” asari asos boʻlgan.
Ayniqsa, bolalar uchun kontent yaratishda bu tamoyil yanada muhim ahamiyat kasb etadi. Shu oʻrinda bir aniq va inkor qilib boʻlmas haqiqatni aytaman:
“Bolalar adabiyotini qoʻllab-quvvatlamasdan, uni ragʻbatlantirmasdan turib, bolalar kontentini rivojlantirib boʻlmaydi.”
Bolalar adabiyoti yoʻnalishidagi tanlov gʻoliblaridan biri aytgan edi:
“Bu — millat buyurtmasi.”
Men bu fikrga toʻliq qoʻshilaman.
Bolalar uchun yozish — bu oddiy ijod emas.
Bu — Millat buyurtmasi!
Jahongir Ahmedov,
Bolalar kontentini rivojlantirish markazi direktori
