“Boy ota” — bolalar uchun moliyaviy savodxonlik oʻyini

Shu yoʻnalishdagi ilk loyiha — “Boy ota” raqamli oʻyinining yaratilish jarayoni bilan tanishish maqsadida “Talent Bridge” kompaniyasiga tashrif buyurildi. 

💰 “Boy ota” — moliyaviy savodxonlik loyihasi boʻlib, ushbu interaktiv oʻyin orqali bolalar: 

✅ moliyani toʻgʻri boshqarish

✅biznes yuritish koʻnikmasini shakllantirish

✅soliq haqidagi ilk bilimlar

✅ pul jamgʻarish va uni oqilona xarajat qilish

✅ tadbirkorlardek fikrlash

✅ investitsiya qilish asoslarini amaliy jarayonda oʻrganadi.

Oʻyin bolada oʻz strategiyasini ishlab chiqish, virtual tadbirkorlik muhitida qaror qabul qilish, mantiqiy fikrlash va masʼuliyat hissini rivojlantirish maqsadida Davlat Soliq qoʻmitasi hamda Biznesni rivojlantirish banki bilan hamkorlikda ishlab chiqilmoqda. 

Ayni paytda “Boy ota“ loyihasining asosiy arxitekturasi va tizim mexanizmlari qurilib, 3D modellashtirish jarayoni davom etmoqda.