Ekspertlar kengashi ruxsati bilan tasvirga olish ishlariga kirishgan “Chempion” filmida jarayonlar qizgʻin pallaga kirdi.
Bolalar kontentini rivojlantirish markazi buyurtmasiga asosan ishlanayotgan ushbu film bosh maqsadi — sport orqali bolalarda matonat va gʻalaba ruhini shakllantirishdir.
Ayni damda suratga olish jarayonlarida 30ga yaqin bola qatnashmoqda. Bolalar bilan film ishlash — katta masʼuliyat. Bunda ijodiy natija bilan birga, har bir kichik aktyorning salomatligi, kayfiyati va oʻzini erkin his qilishi muhim ahamiyatga ega. Shu bois suratga olish maydonida bolalar uchun xavfsiz va qulay muhit yaratishga katta eʼtibor qaratilmoqda.
Hamkor: Sport vazirligi
Rejissyor: Alisher Uzoqov
Studiya: “Uzakov production”
“Uzakov production” jamoasiga muvaffaqiyat tilaymiz!
