🏆 Orlando shahrida boʻlib oʻtgan “CHEMPION” filmi namoyishi Amerikada yashab kelayotgan oʻzbek bolalari uchun Vatan bilan unutilmas uchrashuvga aylandi.
🎬 Ekrandagi har bir kadr, har bir oʻzbekcha soʻz tomoshabinlar qalbida iliq aks-sado berdi. Amerika bagʻrida yashayotgan vatandoshlarimizning nigohida ona yurt sogʻinchi, samimiy quvonch va faxr tuygʻulari mujassam edi.
💫 “CHEMPION” faqat bolajonlarni emas, ularning ota-onalarini ham qariyb ikki soat davomida ekranga mahliyo qilib qoʻydi. Film qahramonlarining sof va jonli oʻzbek tilidagi dialoglari, tasvirlarda aks etgan yurtimizning betakror tabiati hamda bolajon aktyorlarimizning samimiy va taʼsirchan ijrosi Orlandodagi vatandoshlarimiz qalbini zabt etdi.
❤️ Bu namoyish minglab chaqirim uzoqdan turib, Vatanni his qilish, oʻz ona tiling, madaniyating va bolalik xotiralaring bilan yana bir bor yuzma-yuz kelish lahzalari boʻldi.
