▪️ Bolalar kontentini rivojlantirish markazi rahbari New York Film Academy Media Arts departamenti kreativ direktori Kreyg Keyton (Craig Caton) bilan uchrashdi.
Kreyg Keyton — Gollivud kino industriyasida qirq yildan ortiq tajribaga ega boʻlib, 100 dan ortiq filmlar yaratilishida vizual effektlar va animatsiya boʻyicha ishtirok etgan.
Xususan, Kreyg Keyton:
“Arvoh ovchilari” (Ghostbusters) filmidagi Slimer arvohi;
“Yura davriga sayohat” (Jurassic Park) filmidagi raptorlar;
“Betmen: qaytish” (Batman Returns) filmidagi pingvinlar mualliflaridandir.
Shuningdek, “Terminator 2: Qiyomat kuni” (Terminator 2: Judgment Day), “Apollon 13” (Apollo 13), “Rapunsel” (Tangled), “Ajdarni qanday qoʻlga oʻrgatish mumkin 2” (How to Train Your Dragon 2) kabi koʻplab mashhur filmlarning maxsus vizual effektlari ustida ishlagan.
Kreyg Keyton raqamli effektlar sohasida yetakchi kompaniya hisoblangan Digital Domain asoschilaridan biri hamda Disney va DreamWorks animatsiya studiyalarida faoliyat olib borgan katta tajribali mutaxassis.
📌 Muhim yangilik: uchrashuv soʻngida Kreyg Ketonga Oʻzbekistonga tashrif buyurish taklifi bildirildi. Taniqli ekspert ushbu taklifni mamnuniyat bilan qabul qildi.
💫 Tashrif doirasida yosh ijodkorlar uchun mahorat darslari, ochiq muloqotlar hamda treninglar turkumi tashkil etiladi.
