Bolalar kontentini rivojlantirish markazi Ekspertlar kengashi kotibi Joʻrabek Roʻzmetov va Kengash raisi, Oʻzbekistonda xizmat koʻrsatgan artist Matyoqub Matchonov 2026-yilda Kengash faoliyatini samarali tashkil qilish boʻyicha uchrashuv oʻtkazdi.
Markaz huzuridagi Ekspertlar kengashiga Prezidentning PQ-183-son qarori bilan loyihalarni koʻrib chiqish va baholash vakolati berilgan. Shunga muvofiq, uchrashuvda eʼlon qilinishi rejalashtirilayotgan yangi ijodiy tanlovlarni tashkil qilish tartibi, ishtirok etish shartlari va baholash mezonlari hamda ijodkorlarni qoʻllab-quvvatlash masalalari muhokama qilindi.
Shuningdek, Ekspertlar kengashining 2026-yildagi ilk yigʻilishi kun tartibi yuzasidan fikr almashildi. Unda koʻrib chiqilishi rejalashtirilgan masalalar va kelgusi faoliyat yoʻnalishlari belgilab olindi.
