Yigʻilishda Bolalar kontentini rivojlantirish markazi tomonidan oʻtkazilgan ijodiy tanlovlar natijalari va ishga tushirilgan loyihalar yuzasidan yil yakuni boʻyicha axborot tinglandi.
Markaz tomonidan "Ulugʻlar bolaligi" loyihasi doirasida ishga tushirilgan “Temurbek” va “Husayn” badiiy filmlari, “Boburning bolaligi” badiiy-publitsistik filmi loyihalarining rejissyorlik ssenariylarini ishlab chiqish va qisman tayyorgarlik jarayoniga oʻtkazish masalalari koʻrib chiqildi.
“Shiroq va Oyqiz” milliy animesi adabiy ssenariysi boʻyicha axborot tinglanib, loyihani rejissyorlik ssenariysi bosqichiga va qisman tayyorgarlik jarayoniga oʻtkazish muhokama qilindi.
Shuningdek, bolalar adabiyotining yangi namunalarini yaratish boʻyicha ijodiy tanlovga kelib tushgan loyihalarni saralash jarayoni haqida axborot tinglandi.
Tadbir yakunida boshqa masalalar ham koʻrib chiqildi.
