Ottavada bolalar adabiyoti boʻyicha xalqaro kengash — IBBYʼning 40-Butunjahon kongressi oʻz ishini yakunladi. Bolalar kontentini rivojlantirish markazi rahbarlik qilayotgan IBBYʼning Oʻzbekiston milliy shoʻbasi ushbu jarayonda munosib ishtirok etdi.
Har ikki yilda bir marotaba oʻtkaziladigan ushbu xalqaro anjuman oʻtgan davrdagi loyihalarni sarhisob qilib, yangi bosqichni boshlab beradi.
Oʻzbekistonning IBBYʼdagi milliy seksiyasi 2022-yilda tashkil etildi. Oʻtgan toʻrt yillik faoliyat Oʻzbekiston bolalar adabiyoti uchun chinakam tarixiy davrga aylandi.
📌 Asosiy natijalar:
🏦 Oʻzbekiston delegatlari uchta muhim xalqaro kongressda toʻliq huquqli ishtirokchi maqomida
qatnashdi!
2022 — Putrajaya (Malayziya)
2024 — Triyest (Italiya)
2026 — Ottava (Kanada)
🏦 X.K.Andersen mukofoti nomzodlari
Bolalar adabiyoti sohasidagi eng nufuzli xalqaro mukofotga ikki oʻzbekistonlik adib — Raim Farhodiy, Muhabbat Yoʻldosheva nomzod qilib koʻrsatildi:
🏦 IBBYning 2026-yildagi faxriy roʻyxati:
Ilk bor ushbu nufuzli roʻyxatga oʻzbek tilidagi asar kiritildi. Shuningdek, bir vaqtning oʻzida 3 nafar muallif va illyustratorimiz — Madina Moʻminova, Qobiljon Shermatov, Nargis Karimova xalqaro miqyosda tan olindi.
🏦 Xalqaro grant va mukofotlar
IBBY-Asahi oʻqish targʻiboti doirasida "Qahramonlar vaqti" bolalar ekologik harakati loyihasining sertifikatini qoʻlga kiritdi.
Zulfiya Seytniyazova kitobxonlikning eng yaxshi targʻibotchisi sifatida IBBY-iRead sertifikati bilan taqdirlandi.
🏦 Bratislavadagi XXX Xalqaro illyustratsiya biyennalesida 4 nafar musavvirimiz — Nargis Karimova, Zilola Hamidova, Dinara Moʻminova va Sevilya Akramova asarlari koʻrgazmaning rasmiy katalogiga kiritildi.
🏦 Sankt Peterburg shahrida oʻtkazilgan “Kitob sanʼat sifatida” V biyennalesida, 7 nafar ijodkorimiz — Zilola Hamidova, Dilzodaxon Hamidjonova, Sevilya Akramova, Aleksandr Safonov, Dinara Moʻminova, Muhabbat Yoʻldosheva, Nargis Karimova asarlari tanlab olindi.
🏦 Vakillarimiz Italiyadagi 62- va 63-Bolonya kitob koʻrgazmalarida hamda XXI Sankt-Peterburg xalqaro kitob salonida mamlakatimiz nomidan muvaffaqiyatli ishtirok etdi.
🚀 Navbatdagi manzil — Ispaniya!
Erishilgan natijalar faqat debocha. Bolalar kontentni rivojlantirish markazi mamlakat ichida bolalar adabiyotini yangi bosqichga olib chiqish va xalqaro maydonda targʻib qilishni davom ettiradi.
