Markaz tomonidan eʼlon qilingan bolalar uchun “Milliy madaniyat ensiklopediyasi” loyihasi boʻyicha ijodiy tanlovga jami 31 nafar mutaxassisdan iborat 5 ta mualliflar jamoasidan 7 ta loyiha kelib tushgan.
Ekspertlar kengashi tomonidan “Akademnashr” nashriyotining mualliflar jamoasi gʻolib deb topilgan edi.
Hamkor: Madaniyat vazirligi
Nashriyot va loyiha rahbari Sanjar Nazar tayyorlanayotgan ensiklopediya haqida fikrlarini bildirdi:
— Bolalar kontentini rivojlantirish markazi tomonidan “Milliy madaniyat ensiklopediyasi”ni yaratish uchun oʻtkazilgan tanlovda “Akademnashr” gʻolib boʻlgani haqida avvalroq xabar berilgan edi.
Nashriyotimiz koʻpchilik tomonidan aynan sifatli bolalar nashrlari uchun eʼtirof etiladi. Endi Markaz bilan hamkorlikda yanada yaxshiroq kitoblar chiqarish imkoniyatiga egamiz.
Bolalar kontentini rivojlantirish markazi taraqqiyotning tamal toshi hisoblanadigan kitoblar nashriga eʼtibor qaratayotgani alohida tahsinga sazovor. Yana yangi loyihalar ustida birga ishlash va asrlarga meros boʻlib qoladigan, zamonlar chigʻirigʻidan oʻz qadrini yoʻqotmay chiqa oladigan durdonalar yaratishda hamkorlik qilishdan umidvormiz.
