Bolalar kontentini rivojlantirish markazi qoshidagi Smeta komissiyasining navbatdagi yigʻilishi boʻlib oʻtdi. Unda tashkiliy masalalar va loyihalarning moliyaviy asoslari muhokama qilindi.
Yigʻilishda Bolalar kontentini rivojlantirish markazi qoshidagi loyihalar budjetini koʻrib chiqish boʻyicha Komissiyaning yangi tarkibi tanishtirildi hamda yangi tahrirdagi Nizom loyihasi tahlil qilindi.
Shuningdek, “Talent Bridge” MCHJ tomonidan taqdim etilgan “Boy ota” raqamli oʻyini loyihasining xarajatlar smetasi koʻrib chiqildi. “Akademnashr NMM” МCHJning bolalar uchun moʻljallangan “Milliy madaniyat ensiklopediyasi” loyihasini nashrga tayyorlash va ishlab chiqarish budjetlari muhokama qilinib, tegishli xulosalar berildi.
Markaz har bir loyihaning moliyaviy shaffofligi va samaradorligini taʼminlashni maqsad qilgan.
