Bolalar kontentini rivojlantirish markazi Xalqaro bolalar va o‘smirlar adabiyoti kengashi — IBBY'ning O‘zbekistondagi rasmiy shoʼbasi sifatida tasdiqlandi!
— Bugungi taqdimotimni xushxabar bilan boshlamoqchiman. Bolalar kontentini rivojlantirish markazi 2026-yil, mart oyidan Xalqaro bolalar va o‘smirlar adabiyoti kengashi — (IBBY)ning O‘zbekiston milliy shoʼbasiga rahbarlik qila boshladi.
IBBY dunyo bo‘yicha 86 ta davlatni birlashtirgan xalqaro tashkilot bo‘lib, missiyasi — bolalarda mutolaa madaniyatini rivojlantirish hamda butun dunyo bo‘ylab mualliflar, illustratorlar va nashriyotchilar kabi soha mutaxassislarini qo‘llab-quvvatlashdir.
Markazning IBBYdagi vakilligi o‘zbekistonlik mualliflar va nashriyotlar uchun katta imkoniyat beradi. Masalan, dunyoning eng yirik mukofotlari va dasturlariga yo‘l ochiladi.
Xususan, bolalar adabiyotining «Nobel»i hisoblanadigan Xans Kristian Andersen mukofoti, dunyodagi eng yaxshi kitoblarning har yilgi katalogi bo‘lgan IBBY Faxriy ro‘yxatida bizning yozuvchi va illustratorlarimizning asarlari ham doimiy bo‘lishi mumkin.
Veronika Ahmedova,
IBBY O‘zbekiston Milliy seksiyasi ijrochi direktori
