📚 Ushbu nufuzli tadbirda Bolalar kontentini rivojlantirish markazi ilk marta Xalqaro bolalar va o‘smirlar adabiyoti kengashi — IBBY’ning O‘zbekistondagi rasmiy sho‘basi sifatida bolalar uchun tayyorlangan rang-barang kitoblardan iborat milliy stend bilan qatnashdi.
📌 Eslatib o‘tamiz, Bolalar kontentini rivojlantirish markazi 2026-yil mart oyidan buyon IBBY’ning O‘zbekiston milliy sho‘basiga rahbarlik qilib kelmoqda. Markaz ko‘magi bilan o‘zbekistonlik ijodkorlar shu yilning aprel oyida Bolonyada o‘tkazilgan 63-Xalqaro bolalar adabiyoti ko‘rgazmasida ham munosib ishtirok etgan edi. Sankt-Peterburg saloni esa ushbu xalqaro adabiy jarayonning mantiqiy davomi bo‘ldi.
🎤 Tadbirda Markaz vakili, yozuvchi Qobiljon Shermatov ma’ruza qilib, yurtimizda bolalar uchun kontent tayyorlash alohida tizim sifatida shakllantirilgani, sohadagi yangi tendensiyalar va xalqaro miqyosdagi loyihalar haqida so‘z yuritdi. Shuningdek, IBBY O‘zbekiston Milliy seksiyasi ijrochi direktori Veronika Ahmedova, Markaz Media bo‘limi bosh mutaxassisi Munisa Magametibragimova o‘zbek bolalar adabiyoti namunalari bilan xorijlik mutaxassislarni yaqindan tanishtirdi.
▪️ Markazning forumdagi ishtiroki o‘zbek bolalar ijodkorlari va ularning asarlarini jahon adabiy maydoniga olib chiqish, xalqaro tajribani milliy loyihalarimizga tatbiq etish yo‘lidagi navbatdagi qadamdir.
