Prezident Administratsiyasi rahbari Saida Mirziyoyeva Nukusda qoraqalpogʻistonlik ijodkorlar bilan uchrashganda, yosh mutaxassislar sharoit yaratib berilsa, katta loyihalarni amalga oshirishga tayyor ekanliklarini bildirgan edi.
Oʻzbekistonning har bir hududida animatsiya sohasida yangi avlod mutaxassislarini tayyorlash tashabbusi va uning qoʻllab-quvvatlanishi bugun oʻz mevasini bermoqda:
🔸 Qoraqalpoq xalqining milliy noni bosh qahramon qilib olingan “Zagʻara” multseriali — Nukus animatsiya maktabi oʻquvchilarining ilk muvaffaqiyatli qadami boʻldi.
🔸 Ikki xalq doʻstligi va insonparvarlik gʻoyalari bosh mavzu boʻlgan “Tumor” multfilmi esa maktabning navbatdagi yirik loyihasidir.
📌 Bugungi kunda Nukus animatsiya maktabi 50 dan ziyod oʻquvchiga animatsiya sirlarini muvaffaqiyatli oʻrgatdi. Ayni vaqtda ushbu maktabda tahsil olish istagini bildirgan 500 dan ortiq talabgorlar roʻyxatdan oʻtdi.
