Bolalar kontentini rivojlantirish markazi hamda Nyu-York kino akademiyasi (NYFA) rahbariyati oʻrtasida onlayn muloqot boʻlib oʻtdi
Uchrashuvda NYFA vitse-prezidenti Sonni Kalderon va Los-Anjeles boʻlinmasi strategiya masalalari boʻyicha bosh direktor Dan Makler ishtirok etib, oʻzbekistonlik yosh ijodkorlar uchun yangi imkoniyatlarni muhokama qildi.
Muzokaralarning asosiy yoʻnalishlari:
Oʻquv dasturlar: animatorlar va bolalar kontenti yoʻnalishidagi talabalar uchun qisqa va uzoq muddatli oʻquv dasturlar;
Malaka oshirish: oʻzbekistonlik talabalarni NYFAʼning AQSHdagi filiallarida professional tayyorgarlikdan oʻtkazish;
Mahorat darslari: Toshkent shahrida NYFA yetakchi mutaxassislari ishtirokida mahorat darslari tashkil etish.
Uchrashuv yakunida Bolalar kontentini rivojlantirish markazi hamda Nyu-York kino akademiyasi oʻrtasida hamkorlik shartnomasi imzolashga kelishildi.
