Oila va xotin-qizlar qoʻmitasida Oʻzbekiston Respublikasi Bosh vazirining oʻrinbosari – Oila va xotin-qizlar qoʻmitasi raisi Zulayho Mahkamova hamda Bolalar kontentini rivojlantirish markazi direktori Jahongir Ahmedov oʻrtasida uchrashuv boʻlib oʻtdi.
Unda Oʻzbekiston Respublikasi Prezidentining PQ-183-son qarori ijrosi yuzasidan Oila va xotin-qizlar qoʻmitasi bilan hamkorlikda suratga olinadigan, oʻsmir yoshdagi qizlar duch keladigan muammolar va ularning yechimlarini hayotiy hamda taʼsirchan tarzda aks ettiradigan, qizlarning mustaqil qaror qabul qilish koʻnikmalarini rivojlantiradigan va turli qiyinchiliklarni qatʼiyat hamda matonat bilan yengib oʻtishi keng yoritiladigan “Oʻgʻiloy” seriali konsepsiyasi muhokama qilindi.




