AQSHning Oʻzbekistondagi Favqulodda va muxtor elchisi Jonatan Henik hamda Madaniyat vazirining birinchi oʻrinbosari — Kinematografiya agentligi direktori Jahongir Ahmedov, Bolalar kontentini rivojlantirish markazi ijrochi direktori Zafar Yoʻldoshev oʻrtasida uchrashuv boʻlib oʻtdi.
📌 Muloqot davomida tomonlar quyidagi yoʻnalishlarda hamkorlikni kengaytirishga kelishib oldi:
🔹 oʻzbekistonlik yoshlar va soha mutaxassislarini animatsiya, kinematografiya, ssenariynavislik, vizual effektlar, aktyorlik hamda boshqa kreativ yoʻnalishlardagi xalqaro taʼlim dasturlariga jalb etish;
🔹 amerikalik yetakchi rejissyor, musiqiy prodyuser va ekspertlar ishtirokida Oʻzbekistonda master-klasslar, seminarlar va ijodiy uchrashuvlar tashkil etish;
🔹 Fulbright hamda boshqa akademik almashinuv dasturlari doirasida soha mutaxassislarining ishtirokini kengaytirish;
🔹oʻzbekistonlik bolalar uchun ingliz tilini oʻrgatuvchi zamonaviy taʼlimiy kontentlar yaratish va ularni milliy mediamaydonda ommalashtirish.
💫 Muloqot yakunida elchi Jonatan Henik bolalar kontentini rivojlantirish borasidagi qoʻshma tashabbuslarni qoʻllab-quvvatlashga va amaliy hamkorlikni izchil davom ettirishga tayyor ekanini bildirdi.
