Ekspertlar kengashi "Polapon: rostini ayt" eksklyuziv loyihasini ijobiy baholadi.
“Aqlvoy” telekanali bilan hamkorlikda suratga olinayotgan “POLAPON” oilaviy shou-dasturining "Polapon: rostini ayt" suhbat-shou loyihasi yoʻlga qoʻyiladi.
Ekspertlar kengashi yigʻilishida loyiha muallifi Munisa Magametibragimova "Polapon: rostini ayt" suhbat-shouning gʻoyasi va maqsadi, loyiha bolalarga nima berishi haqida taqdimot qildi.
Muallif kengash aʼzolarining savollariga javob berar ekan, loyiha orqali bolalarga xato qilishdan qoʻrqmaslikni, biroq har qanday vaziyatda ham rostgoʻy boʻlib qolish qahramonlik ekanini uqtirish koʻzda tutilganini bildirdi. Kengash aʼzolari loyihani bir ovozdan ijobiy baholadi.
