Bolalar kontentida ilm va ijod hamkorligi yoʻlga qoʻyilmoqda.
Oʻzbekiston Fanlar akademiyasi Sanʼatshunoslik instituti “Kino sanʼati va audiovizual tadqiqotlar” boʻlimi mudiri, sanʼatshunoslik fanlari doktori, professor Nigora Karimova hamda ushbu boʻlimning katta ilmiy xodimi, sanʼatshunoslik fanlari boʻyicha falsafa doktori Hafiza Niyozova bilan ilmiy muloqot boʻlib oʻtdi.
Uchrashuvda bolalar uchun moʻljallangan ekran mahsulotlarini professional tahlil qilish masalalari muhokama qilindi. Taʼkidlanganidek, bolalar uchun ishlanayotgan har bir kino va multfilm tahlili ilmiy asosga ega boʻlishi lozim.
Tadbir yakunida tahlillarni yangi bosqichga olib chiqish maqsadida Markaz hamda Sanʼatshunoslik instituti oʻrtasida ilmiy-ijodiy hamkorlikni doimiy yoʻlga qoʻyish belgilandi.
