Bolalar kontentini rivojlantirish markazi direktori Jahongir Ahmedov AQShga tashrifi davomida dunyoga mashhur “Qirol sher” animatsion filmi rejissori Rob Minkoff bilan uchrashdi.
Rob Minkoffga Oʻzbekiston Respublikasi Prezidenti qarori bilan tashkil qilingan Bolalar kontentini rivojlantirish markazi faoliyati, asosiy koʻzlangan maqsad va qisqa fursat ichida erishilgan natijalar haqida maʼlumot berildi.
Uchrashuvda Oʻzbekistonda milliy qahramonlar, tarix va qadriyatlarga asoslangan yirik toʻliq metrajli animatsion filmlarni xalqaro darajada yaratish boʻyicha hamkorlik qilish masalasi koʻrib chiqildi.
Rob Minkoff oʻz tajribasi va koʻnikmalarini oʻzbekistonlik ijodkorlar bilan boʻlishishga tayyor ekanini maʼlum qildi. Navbatdagi muhokamalarni Toshkentda davom ettirishga rozilik bildirdi.
