Bolalar kontentini rivojlantirish markazida «Susambil», «Qurultoy» va «Dervish_nod» kabi mashhur loyihalar muallifi, tadqiqotchi va bloger Nodir Nishonov bilan ijodiy uchrashuv boʻlib oʻtdi.
Uchrashuvda milliy tariximizni bolalarga oson, qiziqarli va zamonaviy usulda tushuntiruvchi kontentlar mavzusi muhokama qilindi.
Yaʼni:
Quruq faktlardan voz kechamiz: bolalar raqamlarni emas, hikoyalarni yaxshi koʻradi.
Yorqin obrazlar kuchi: milliy oʻzlik va tarixni bolalar qalbiga qiziqarli qahramonlar orqali singdirish lozim.
Zamonaviy format: ijtimoiy tarmoqlar tilida, sodda va boy multimedia kontentlaridan foydalanish — davr talabi.
Uchrashuvda milliy tarixni bolalar uchun maxsus soddalashtirilgan va zamonaviy vizual formatda taqdim etuvchi yangi gʻoya — “Darvesh-Kids” loyihasi ham koʻrib chiqildi.
