Bugun “The Walt Disney Company” kompaniyasining vitse-prezidenti, “Emmi” mukofotining 7 karra sovrindori Hayma Vashington bilan uchrashuv boʻlib oʻtdi. Maqsadimiz — Oʻzbekiston poytaxtini bolalar kontenti ishlab chiqarish boʻyicha mintaqaviy markazga aylantirish.
.jpg&w=3840&q=75)
Gollivud mutaxassislari bilan hamkorlikda animatorlar, rejissyorlar va ssenariynavislarning yangi avlodini tayyorlamoqchimiz. Janob Vashington mamlakatimizda amalga oshirilayotgan islohotlarga qiziqish bildirdi hamda barcha tashabbuslarimizni qoʻllab-quvvatlashga tayyor ekanini aytdi.
Shuningdek, Oʻzbekistonda “Disney”ning Markaziy Osiyodagi vakolatxonasini ochish va kontenti toʻliq oʻzbek tilidagi telekanal tashkil etishga qiziqish bildirdik.
Muhim loyihalar qatorida xalqaro kompaniyalar uchun imtiyozli sharoitlar yaratiladigan “Cinema Park” kreativ parkini tashkil etish, shuningdek, kelgusida mintaqa turizmi uchun yangi drayverga aylanadigan “Disneyland” tematik bogʻini barpo etish gʻoyasi ham bor.
