Ekspertlar kengashida “Sehrlandiya: qahramonlik missiyasi” toʻliq metrajli multfilmining targʻiboti, premyera tadbirlari va film qahramonlari aks etgan merch mahsulotlarini tayyorlash boʻyicha hisobot koʻrib chiqildi.
Taʼkidlanganidek, bolalarimiz oʻz tilida, oʻz ruhiyatiga yaqin, zamonaviy multfilmlarni koʻrib ulgʻayishi juda muhim.
Premyeralar va qamrov koʻrsatkichlari:
✅ Multfilm premyeralari 4 mingga yaqin bolajonlarni qamrab oldi.
✅ Asosiy namoyishlardan soʻng, 26-dekabrdan boshlab multfilm yurtimizdagi 10 ta yirik kinoteatrda ekranlarga chiqdi.
✅ Yangi yil bayrami arafasida katta ekranlarda taqdim etilgan kontentlar orasida oʻzbek tilidagi yagona animatsion asar aynan “Sehrlandiya” boʻldi.
Asosiy raqamlar:
✅ Ijtimoiy tarmoqlardagi rasmiy sahifalarida obunachilari soni 10 mingdan oshdi.
✅ Umumiy koʻrishlar soni 30 milliondan ortdi.
✅ Tomoshabinlar tashrifi boʻyicha “Sehrlandiya” “Zveropolis 2” va “Cheburashka 2” kabi xalqaro loyihalardan soʻng kuchli uchlikdan joy oldi.
✅ Oʻzbek tilidagi filmlar orasida esa tashrif buyuruvchilar soni boʻyicha mutlaq peshqadamlikni qoʻlga kiritdi.
Ijtimoiy tashabbus:
Yigʻilish yakunida zaxirada qolgan merch mahsulotlarini ijtimoiy himoyaga muhtoj oilalar farzandlariga begʻaraz tarqatish boʻyicha xayriya tashabbusi ilgari surildi.
