Bolalar kontentini rivojlantirish markazi qoshidagi Smeta komissiyasining navbatdagi yigʻilishi boʻlib oʻtdi. Unda tashkiliy masalalar va loyihalarning moliyaviy asoslari muhokama qilindi.
Xususan, quyidagi loyihalar ishlab chiqarish budjetlari koʻrib chiqilib, tegishli xulosalar berildi:
— “Bolalar production” MChJ tomonidan taqdim etilgan respublika hududlari boʻylab “ALLA” namunalarini toʻplash boʻyicha ekspeditsiyani ishga tushirish bosqichi xarajatlar smetasi;
— “ILOOMINA MEDIA” MChJ tomonidan qayta taqdim etilgan “Ikkichi” badiiy filmini toʻliq tayyorgarlik bosqichi uchun xarajatlar smetasi;
— “Bolalar production” MChJ tomonidan taqdim etilgan “Polapon: rostini ayt” eksklyuziv loyihasini ishga tushirish bosqichi xarajatlar smetasi;
— “Shaxriyor-baxtiyor” XK tomonidan qayta taqdim etilgan “Xusayn” — bolalar uchun moʻljallangan, toʻliq metrajli badiiy filmni ishlab chiqarish bosqichi xarajatlar smetasi koʻrib chiqildi.
Markaz har bir loyihaning moliyaviy shaffofligi va samaradorligini taʼminlashni maqsad qilgan.
