Muloqot davomida tomonlar bolalar kontenti sohasida oʻzaro hamkorlikni rivojlantirish yoʻnalishlari yuzasidan fikr almashdi.
Xususan, uchrashuv doirasida quyidagi masalalar muhokama qilindi:
Kadrlar tayyorlash: oʻzbekistonlik yosh animatorlar uchun Rossiyaning eng nufuzli studiyasida qisqa muddatli amaliyotlar tashkil etish;
Kreativ hamkorlik: endi biz faqat tomoshabin emas, balki "Soyuzmultfilm" bilan birgalikda qoʻshma animatsion film va seriallar yaratuvchisiga aylanishimiz mumkin;
Professional dublyaj: mashhur animatsion asarlarni oʻzbek tiliga professional tarjima qilish hamda dublyaj masalalari.
Muloqot yakunida har ikki tomon yangi loyihalarni bosqichma-bosqich amalga oshirish boʻyicha kelgusidagi hamkorlik istiqbollarini belgilab oldi.
