Bolalar kontentini rivojlantirish markazi tomonidan oʻtkazilayotgan ijodiy tanlovlar uchun hajviy kinojurnallar yoʻnalishida quyidagi ijodiy tashkilotlardan loyihalar qabul qilib olindi.
• "Media house" studiyasi;
• "Favorite cinema" studiyasi;
• "Meros cinema film" studiyasi;
• "Envision" studiyasi;
• "Art Miks media" studiyasi;
• "Yoshlik" studiyasi;
• "ILOOMINA MEDIA" studiyasi;
• "Xuroson animation" studiyasi;
• "Art Craft" studiyasi.
Hajviy kinojurnallar yoʻnalishida tanlovlar quyidagi sohalar kesimida boʻlib oʻtadi:
Bolalarga shaxsiy gigiyena, notoʻgʻri ovqatlanish, kam harakatlilik, uyqu rejimi buzilishi kabi sogʻliqni saqlash bilan bogʻliq muammolar va tibbiy madaniyat haqida tushuncha berish – 15 qism.
Hamkor tashkilot – Sogʻliqni saqlash vazirligi.
Qishloq xoʻjaligining turli yoʻnalishlari bilan bogʻliq voqealarni kulgili va taʼlimiy tarzda tasvirlash – 5 qism.
Hamkor tashkilot – Qishloq xoʻjaligi vazirligi.
Bolalarning mahallada jamoat ishlaridagi ishtiroki, keksalar va mahalladoshlar bilan oʻzaro munosabatlarini aks ettirish – 15 qism.
Hamkor tashkilot – Oʻzbekiston mahallalari uyushmasi.
Bolalarga energiya resurslarini tejash, elektr tokidan toʻgʻri foydalanish kabi koʻnikmalarni oʻrgatish – 15 qism.
Hamkor tashkilot – Energetika vazirligi.
Bolalarni milliy madaniyat, sanʼat, adabiyot, tarix va maʼnaviy qadriyatlar ruhida tarbiyalash – 20 qism.
Hamkor tashkilot – Davlat aktivlarini boshqarish agentligi.
Bolalarning kundalik hayotida uchraydigan voqealarni qiziqarli syujetlar orqali yumor bilan ochib berish – 10 qism.
Hamkor tashkilotlar – Sirdaryo viloyati hokimligi va Xorazm viloyati hokimligi.
Sanoat obyektlari va attraksionlarda sodir boʻlishi mumkin boʻlgan favqulodda vaziyatlarning oldini olish va ehtiyot boʻlish haqida bolalarga tushuncha berish – 5 qism.
Hamkor tashkilot – Sanoat, radiatsiya va yadro xavfsizligi qoʻmitasi.
Barcha ishtirokchilarga omad tilaymiz.
