Bolalar kontentini rivojlantiriş Markazi rahbariyati hamda afsonaviy amerikalik bastakor, ikki karra “Grammy” mukofoti sovrindori Uolter Afanasieff, rejissyor Bahodir Yöldoşev örtasida onlayn muloqot bölib ötdi.
Asosiy maqsad: Markazning xalqaro darajadagi yangi loyihasi — töliq metrajli animatsion film uçun jahon andozalariga mos musiqiy prodyuserlik böyiça hamkorlikni yölga qöyiş.
Uçraşuv davomida Uolter Afanaseff özbek milliy ohanglarini örganib, xalqaro darajadagi zamonaviy saundtreklar bilan uyğunlaştiriş ğoyasini ilgari surdi. Uşbu hamkorlik samarasida özbek maqomi ilk bor Gollivud simfonik orkestri ijrosida dunyo sahnalariga çiqişi mumkin. Bu nafaqat musiqiy mukammallik, balki milliy kolorit orqali jahon tomoşabinini zabt etiş demakdir!
Muloqot davomida quyidagi istiqbolli rejalar muhokama qilindi:
✅ Eksklyuziv saundtrek: film konsepsiyasiga mos simfonik va zamonaviy musiqiy yeçimlar yaratiş;
✅ Global standartlar: musiqiy materialni jahon auditoriyasi uçun mos formatda, nufuzli xalqaro studiyalarda işlab çiqiş;
✅ Mahorat maktabi: özbekistonlik yoş bastakor va aranjirovkaçilar uçun dunyo darajasidagi mutaxassisdan tajriba örganiş imkoniyatini yaratiş.
✨ Eslatib ötamiz: Avvalroq Markaz direktori Jahongir Ahmedov AQŞga xizmat safari davomida Uolter Afanasieff bilan uçraşgan edi. Öşanda bastakor Markaz loyihalariga katta qiziqiş bildirgan bölsa, bugungi onlayn muloqot uşbu kelişuvlarning amaliy davomi böldi.
