Bolalar kontentini rivojlantirish markazi direktori Jahongir Ahmedov AQSHga xizmat safari davomida amerikalik bastakor, musiqa prodyuseri va yetti karra “Grammy” mukofoti sovrindori Uolter Afanasieff bilan uchrashuv oʻtkazdi.
Uolter Afanasieff koʻplab jahon yulduzlari va dunyo tan olgan kinokompaniyalari bilan hamkorlikda ishlab kelmoqda. U “Titanik”, “Tansoqchi”, “Sohibjamol va maxluq”, “Gerkules”, “Olovuddin” kabi afsonaviy filmlarda musiqiy prodyuser sifatida ishlagan.
Suhbat davomida Uolter Afanasieff Bolalar kontentini rivojlantirish markazining loyihalari bilan tanishib, hamkorlikni mustahkamlash uchun Toshkentga tashrif buyurish va Markaz loyihalarida ishtirok etishga qiziqish bildirdi.
