Bolalar kontentini rivojlantirish markazi bolalar uchun toʻliq metrajli animatsion filmlardan tashqari, koʻp qismli multfilmlar yaratishni ham yoʻlga qoʻymoqda.
Bunday loyihalarning dastlabkilaridan biri — “Ustoz Tiprabek” koʻp qismli musiqiy-animatsion loyihasidir.
Markaz direktori Jahongir Ahmedov “Dip Animation” studiyasida boʻlib, loyihaning ssenariy yozish, qahramonlarni modellashtirish jarayoni bilan tanishdi.
Loyiha Mudofaa, Favqulodda vaziyatlar, Suv xoʻjaligi, Energetika vazirliklari, Ekologiya va iqlim oʻzgarishi milliy qoʻmitasi hamda Bosh prokuratura bilan hamkorlikda amalga oshirilmoqda.
Loyiha orqali bolalarga ekologik madaniyat, huquqiy savodxonlik, favqulodda vaziyatlarda toʻgʻri harakatlanish, tabiiy boyliklar, xususan, suv resurslaridan oqilona foydalanish kabi muhim hayotiy koʻnikmalar quvnoq qoʻshiqlar va qiziqarli syujetlar orqali yetkaziladi.
“Ustoz Tiprabek” koʻp qismli multfilmi qahramonlarining oʻyinchoq va merchlari, raqamli oʻyini ham yaratiladi.
