Bolalar kontentini rivojlantirish markazida “The Walt Disney Company” kompaniyasining vitse-prezidenti, “Emmi” mukofotining 8 karra sovrindori, mashhur ijodkor Hayma Vashington bilan uchrashuv bo‘lib o‘tdi.
Tadbirda Markaz faoliyati, strategik loyihalar va kelgusi rejalar taqdim etildi. Shuningdek, yosh kinoijodkorlar va animatorlar uchun xalqaro standartlarga mos mahorat darslari va treninglar tashkil etish masalalari muhokama qilindi.
Ushbu tashabbus milliy animatsiyani yangi bosqichga olib chiqish va raqobatbardosh kontent yaratishga xizmat qiladi.
