Mirobod tumanidagi 328-sonli umumiy oʻrta taʼlim maktabida yangi 2026/2027-oʻquv yili boshlanishi oldidan “Birinchi qoʻngʻiroq” tadbiri boʻlib oʻtdi.
Unda Madaniyat vazirining birinchi oʻrinbosari — Kinematografiya agentligi direktori Jahongir Ahmedov ishtirok etdi.
Tadbirda Oʻzbekiston Respublikasi Prezidenti Shavkat Mirziyoyevning yangi oʻquv yili munosabati bilan yoʻllagan bayram tabrigi oʻquvchilar va ustoz-murabbiylarga oʻqib eshittirildi. Prezident sovgʻalari tantanali ravishda topshirildi.
Jahongir Ahmedov sharafli kasb egalari — ustozlar va oʻquvchi-yoshlarni yangi oʻquv yili bilan tabriklab, ularga ulkan muvaffaqiyatlar tiladi.
