Ekspertlar kengashi muhim loyiha — IIV Jamoat xavfsizligi departamenti Yoʻl harakati xavfsizligi xizmati bilan hamkorlikda ishlanayotgan “Yoʻl-Bars berar dars” koʻp qismli multfilmi qahramonlarining taqdimoti bilan tanishdi.
Kengash aʼzolari qahramonlarning modellari va vizual obrazlarini yuqori baholab, loyihaning navbatdagi bosqichga oʻtishiga ruxsat berdi.
🚦Loyihaning muhimligi
Statistikaga koʻra, 2025-yilda mamlakatimizda 2188 nafar inson YTH oqibatida vafot etgan. Ushbu ayanchli raqamlar orasida bolalarning borligi loyihaning naqadar dolzarbligini koʻrsatadi. “Yoʻl-Bars berar dars” multfilmi aynan shu muammoga bolalarni erta yoshdan bilimli qilish orqali yechim topish maqsadida ishlab chiqilmoqda.
Ushbu multfilm orqali bolajonlar:
🔹 Yoʻldan oʻtish qoidalarini;
🔹 Svetofor ishoralarini;
🔹 Yoʻllarda ehtiyotkor boʻlish kabi mavzularni Yoʻl-Bars ismli jasur va mehribon qahramon bilan birga oʻrganadi.
📍 Studiya: “Lola Animation”
👤 Rejissyor: Azimjon Rahimjonov
