— Markaz bolalar adabiyoti boʻyicha tanlov oʻtkazamiz deganida, “loyihalar kelarmikin…” deb ikkilanish bilan qaragandim bunga.
Lekin qarangki, yozuvchilarimiz orasida bolalar uchun yozaman, farzandlarimiz uchun ijod qilaman, deganlari koʻp ekan. 117 ijodkordan 600ga yaqin loyiha topshirilganini eshitib, koʻzimga yosh keldi. Bu katta gʻalaba.
Loyihalarni saralashda ishchi guruh tarkibida ishladim. Zoʻr asarlar koʻp, birining tili zoʻr, birining syujeti, boshqasining gʻoyasi.
Ertak romanlar tanlovida bitta loyiha gʻolib boʻlishi kerak edi. 10ta asar gʻolib deb topildi. yana 100ta ertak, 100ta masal bor.
Oʻzingiz bir oʻylang, bu tanlov har yili davom etsa, bolalarimiz uchun qancha yangi asarlar tugʻiladi.
Bu biz uchun katta imkoniyat.
Orif Toʻxtash,
Yozuvchilar uyushmasi huzuridagi Bolalar adabiyoti kengashi raisi, bolalar shoiri
