▪️ Kichik ekspertlar kengashining navbatdagi manzili — “Zoocast” podkasti ishlanayotgan “Art Craft” studiyasi boʻldi. Bu yerda bolajonlar haqiqiy yulduzlardek olqishlar bilan kutib olindi.
“Zoocast” — bolalar uchun moʻljallangan koʻp qismli animatsion podkast boʻlib, unda:
koinot sirlari
sogʻlom turmush tarzi
internet xavfsizligi
tarixiy shaharlarimiz
atrof-muhitni asrash kabi muhim mavzular jonivorlar oʻrtasidagi qiziqarli bahs va yumor orqali yoritiladi.
Podkastning har bir qismi bolalarning mantiqiy fikrlashini rivojlantirib, ularni zamonaviy texnologiyalar va kelajak kasblari bilan tanishtiradi. Shu maʼnoda “Zoocast” yosh tomoshabinlar uchun ham taʼlimiy, ham koʻngilochar vizual loyiha boʻlib xizmat qiladi.
Avvaliga kichik mehmonlar ijodiy muhitga shoʻngʻishdi. Multfilm qanday paydo boʻladi? Kadr ortida kimlar mehnat qiladi? Bu savollarga jarayonning ichida turib javob olishdi.
Soʻng eng hayajonli daqiqalar boshlandi: “Zoocast”ning ilk soni bolalar hukmiga havola etildi. Birinchi mavzu — sirli va cheksiz koinot! Tomoshadan keyin kichik ekspertlarimizning xulosasi qatʼiy va bir ovozdan boʻldi: “Bizga bu podkast kerak! Davomini kutamiz!”
✅ Xulosa qilish mumkinki, “Zoocast” bolalarning sevimli loyihasiga aylanishi shubhasiz!
