Taniqli rejissor Zulfiqor Musoqovning taʼkidlaşiça, har qanday asarni baholaşda birinçi beş daqiqa hal qiluvçi hisoblanadi. “Sehrlandiya” boşlanişidanoq eʼtiborni tortdi — u bolalarni öziga jalb qila oladi”, — dedi u.
Bolalar kontentini rivojlantiriş markazi Ekspertlar kengaşining 16-dekabr kuni bölib ötgan yiğilişida “Sehrlandiya: qahramonlik missiyasi” multfilmi kengaş aʼzolari tomonidan bir ovozdan maʼqullanib, namoyişga tavsiya etilgan edi.
Kengaş aʼzosi, Özbekiston xizmat körsatgan sanʼat arbobi Zulfiqor Musoqov multfilmni körişdan avval uning qançalik yaxşi çiqqani böyiça xavotlrlari bölgani, ammo namoyişdan söng fikri juda ijobiy ekanini taʼkidladi.
“Film boşlanişidan oldin xayolimdan ötdi: “Işqilib yaxşi narsa çiqqan bölsin. Men dangalçi odamman — yomon asar bölsa, şartta aytib, ijodkorlarni xafa qilib qöyamanda…”. Multfilmni körgaç, fikrim juda ijobiy böldi”, — dedi u.
“Aslida har qanday asarni baholaşda birinçi beş daqiqa hal qiluvçi hisoblanadi. Öşa beş daqiqada tomoşabinni uşlab tura olsa, bunday film oxirigaça köriladi. “Sehrlandiya: qahramonlik missiyasi” boşlanişidanoq tortdi: yorqin ranglar, quvnoq qahramonlarning çiqib kelişi — hammasi bolalarni jalb qila oladi”, — deya qöşimça qildi rejissor.
Zulfiqor Musoqov “Sehrlandiya: qahramonlik missiyasi” filmi ustida işlagan barçani tabrikladi: “Yoşlar katta iş qilişdi, ularni qöllab- quvvatlaş kerak. Multfilm ustida işlagan barça ijodkorlarni yaxşi asar bilan tabriklayman”.
Maʼlumot uçun, Özbekistondagi ilk töliq metrajli 3D formatdagi “Sehrlandiya: qahramonlik missiyasi” multfilmi premerasi 25-dekabr kuni Özbekiston Milliy kino saroyida bölib ötadi.
