▪️ Bolalar kontentini rivojlantirish markazi rahbari New York Film Academy Media Arts departamenti kreativ direktori Kreyg Keyton (Craig Caton) bilan uchrashdi.
Kreyg Keyton — Gollivud kino industriyasida qirq yildan ortiq tajribaga ega bo‘lib, 100 dan ortiq filmlar yaratilishida vizual effektlar va animatsiya bo‘yicha ishtirok etgan.
Xususan, Kreyg Keyton:
“Arvoh ovchilari” (Ghostbusters) filmidagi Slimer arvohi;
“Yura davriga sayohat” (Jurassic Park) filmidagi raptorlar;
“Betmen: qaytish” (Batman Returns) filmidagi pingvinlar mualliflaridandir.
Shuningdek, “Terminator 2: Qiyomat kuni” (Terminator 2: Judgment Day), “Apollon 13” (Apollo 13), “Rapunsel” (Tangled), “Ajdarni qanday qo‘lga o‘rgatish mumkin 2” (How to Train Your Dragon 2) kabi ko‘plab mashhur filmlarning maxsus vizual effektlari ustida ishlagan.
Kreyg Keyton raqamli effektlar sohasida yetakchi kompaniya hisoblangan Digital Domain asoschilaridan biri hamda Disney va DreamWorks animatsiya studiyalarida faoliyat olib borgan katta tajribali mutaxassis.
📌 Muhim yangilik: uchrashuv so‘ngida Kreyg Ketonga O‘zbekistonga tashrif buyurish taklifi bildirildi. Taniqli ekspert ushbu taklifni mamnuniyat bilan qabul qildi.
💫 Tashrif doirasida yosh ijodkorlar uchun mahorat darslari, ochiq muloqotlar hamda treninglar turkumi tashkil etiladi.
